اور یہ جُرم فقط میں نے کیا ھو جیسے

زندگی جُرمِ مُحبّت کی سزا ھو جیسے اور یہ جُرم فقط میں نے کیا ھو جیسے

وہ مُجھے دیکھ کے چُپ چاپ کھڑے ھیں ایسے میری خاموشی نے کچھ اُن سے کہا ھو جیسے......

دل کو تھامے ھوئے یوں پاس سے گزرا کوئی حال کچھ اُس نے میرے دل کا سُنا ھو جیسے........

میں نےدیکھے ھیں میری جان وہ سنّاٹے بھی سانس لینا بھی جہاں ایک صدا ھو جیسے........

تو نے دیکھا ھے کبھی صبح کا جِھلمل تارہ دِل میرا غم میں تیرے ڈوب رھا ھو جیسے......

زیرِ لب یاد ھے مجھ کو وہ تبسّم تیرا غنچئہ دل کے چٹکنے کی صدا ھو جیسے.......

تیری آنکھوں کی چمک سے مجھے محسوس ھوا دِل تیرے نور سے، میرا بھی بنا ھو جیسے....