کبھی حالات کا رونا کبھی تقدیر کا رونا

کبھی حالات کا رونا کبھی تقدیر کا رونا کیوں تیرے خواب ہیں ایسے کہ ہو تعبیر کا رونا

تو امّت ہے محمّد ﷺ کی تو مسلم ہے, تو مومن بن جو راضی تجھ سے ہو الله تو پھر کیا دیَر کا رونا

کوئی مسلک نہیں لازم کوئی فرقہ نہیں افضل جو دل میں ہے ترے قرآن تو کیا تفسیر کا رونا

تیری وہ بندگی دیکھے ترا ذوق یقین دیکھے اسے جب سب خبر تیری تو پھر کیا پیر کا رونا

اگر شیطان بھٹکائے مسافر تو نہ گھبرانا کہ جب راہبر یہ قدرت ہو تو کیا راہگیر کا رونا

تجھے خواہش ہے دنیا کی وہ تیری آخرت چاہے سو تیرے مانگنے میں بھی نہ ہو تاخیر کا رونا

تو پتلا ہے خطاوں کا بشر ہے مان لے اب تو نہ یوں خود کو تباہ کرنا کہ ہو تعمیر کا رونا