صبر مشکل ہے آرزو بے کار

لطف کی ان سے التجا نہ کریں ہم نے ایسا کبھی کیا نہ کریں

مل رہے گا جو ان سے ملنا ہے لب کو شرمندہٴ دعا نہ کریں

صبر مشکل ہے آرزو بے کار کیا کریں عاشقی میں کیا نہ کریں

مسلکِ عشق میں ہے فکر حرام دل کو تدبیر آشنا نہ کریں

بھول ہی جایں ہم کو یہ تو نہ ہو کون کہتا ہے وہ جفا نہ کریں

مرضی یار کے خلاف نہ ہو لوگ میرے لیے دعا نہ کریں

شوق ان کا سو مٹ چکا حسرت کیا کریں ہم اگر وفا نہ کریں..

__حسرت موہانی __