منتخب اشعار

آپ کا شہر اگر بار سمجھتا ہے ہمیں

کوچ کر جاینگے سرکار کوئی بات نہیں … خود نُمائی تو نہیں شیوہِ اربابِ وفا جن کو جلنا ہو وہ آرام سے جل جاتے ہیں قتیل ـــــــــــــــــــــــ

آشنا درد سے ہونا تھا کسی طور ہمیں تُو نہ ملتا تو کسی اور سے بچھڑے ہوتے ناصر ــــــــــــــــــــــــ مل رہی ہو بڑے تپاک کے ساتھ مجھ کو یکسر بھلا چکی ہو کیا!

دشمنی غیر تو نہیں کرتے یہ شرافت تو یار کرتے ہیں

جون ایلیا ـــــــــــــــــــــــــ

اپنے ہی شب و روز میں آباد رہا کر، ہم لوگ برے لوگ ہیں، ہم سے نہ ملا کر! (رئیس فروغؔ ــــــــــــــــــــــ یُوں حسرتوں کے داغ محبت میں دھو لیے خُود دل سے دل کی بات کہی ___ اور رو لیے راجندر کرشن ــــــــــــــــــــــــــــــــــــ

اِک آئینہ کے سِوا اُن کے حُسنِ دلکش کا کہیں جواب نہ نِکلا ___ کہیں جواب نہ تھا گفتار بیخود ـــــــــــــــــــــــــــــــــ

میز چپ چاپ ‘ گھڑی بند‘ کتابیں خاموش اپنے کمرے کی اداسی پہ ترس آتا ھے مصطفٰی زیدی ــــــــــــــــــــــــــــــــــــــ

تھی وطن میں منتظر جس کی کوئی چشم حسین وہ مسافر جانے کس صحرا میں جل کر مر گیا منیر نیازی ــــــــــــــــــــــــــــــــــــ

دلوں کو فکرِ دو عالم سے کردیا آزاد ترے جنوں کا خدا سلسلہ دراز کرے!

ہم تو بدنامِ محبت تھے سو رُسوا ٹھہرے ! ناصحوں کو بھی مگر خلقِ خدا جانتی ہے احمد فراز ـــــــــــــــــــــــــــــــــ

مُنظور مجھ کو ضبط ــــــــ مِرے دل کو اضطراب دل میرا مجھ سے تنگ ہے _ میں دل سے تنگ ہُوں شیخ ابراہیم ذوق ــــــــــــــــــــــــــــــــــــ

ھائے وہ لوگ ، خُوب صُورت لوگ جن کی دُھن میں حیات گزُری ھے!

رفتارِ زندگی میں سُکوں آئے' کیا مجال طوفاں ٹھہر بھی جائے _ تو دریا بہا کرے یاس یگانہ چنگیزی ــــــــــــــــــــــــــــــــــ

ہائے وہ وقت جو جا کر نہیں آیا اب تک ہائے وہ شام جو ہر شام چلی آتی ہے لیاقت علی عاصم ـــــــــــــــــــــــــــــــــــــــ

دُنیا سے لے چلا ہے جو تُو حسرَتوں کا بوجھ کافی نہیں ہے سر پہ گُناہوں کا بار کیا

پنڈت برج ناراین ــــــــــــــــــــــــــــ

ہم رہے مبتلائے دیر و حرم

وہ دبے پاؤں دل میں آ بیٹھے!

کچھ ہمی جانتے ہیں لطف تر ے کوچے کا

ورنہ پھرنے کو تو مخلوقِ خدا پھرتی ہے

۔ ۔ ۔جگر ـــــــــــــــــــــــــــــــــــــ