کب توڑو گے ہجر کا بندھن؛ کب تک پردہ دار رہو گے؟

کب توڑو گے ہجر کا بندھن؛ کب تک پردہ دار رہو گے؟ کب اس دل کے ساز میں ساجن؛ تم بن کر جھنکار رہو گے..؟ . کب تک بہلاؤ گے میری؛ بھولی، بھٹکی نظروں کو... کب تک میری راہ میں بن کر، شیشے کی دیوار رہو گے.؟ . صبح کا مدھم تارا بن کر؛ میں آؤں گا تم سے ملنے.. بولو کیا منظور ہے تم کو؛ بولو کیا تیار رہو گے..؟؟ . اس باغ ہستی میں سب کے؛ اپنے، اپنے منصب ہیں.. ہم پھولوں کا رنگ رہیں گے، تم خنجر کی دھار رہو گے.. . جان تمنا! اپنے "ساغر" کو بتلاؤ؛ آنکھ ملا کر... اس کے حق میں، آخر کب تک، کافر کا انکار رہو گے..؟؟

(ساغر صدیقی)