بعض اوقات دلاسا بھی بلا ھوتا ھے

یاد آتا ھے تو کیوں اُس سے گِلہ ھوتا ھے وہ جو اِک شخص ھمیں بُھول چُکا ھوتا ھے

ھم تِرے لُطف سے نادم ھیں کہ اکثر اوقات دِل کِسی اور کی باتوں سے دُکھا ھوتا ھے

ھاتھ پر ھاتھ نہ رکھ دِل کی صداقت کو پرکھ ورنہ پیمانِ رفاقت سے بھی کیا ھوتا ھے

مِل گئے ھو تو چلو رسمِ زمانہ ھی سہی ورنہ اب پرسشِ احوال سے کیا ھوتا ھے

اِس قدر زہر نہ تھا طنزِ حریفاں پہلے اب تو کچھ خندہء یاراں سے سِوا ھوتا ھے

سادہ دل چارہ گروں کو نہیں معلوم فراز بعض اوقات دلاسا بھی بلا ھوتا ھے

احمد فرازؔ